Япончууд тусламж үзүүлэв

Төв АНЭ-ийн эрчимт эмчилгээний тасагт Гийенебаре оношоор 29 хоног эмчлэгдэж байгаа өвчтөн В.Буянтуяад японы сайн дурын нийгэмлэгийн гишүүн сувилагч Анзу Кавасе Японы ард түмнээс хандив цуглуулж тусламж үзүүлэв. Буянтуяа нь 2013 оны 1 сарын 30-нд кесерево хагалгаагаар охин төрүүлсэн, биеийн байдал дунд зэрэг. Эхийн биеийн байдал хүнд 4 мөч саажсан амьсгалын булчин саажиж зохиомол амсьгалын аппаратаар амьсгалж байгаа цаашид удаан хугацаанд эмчлэгдэх шаардлагатай. Хөдөлмөрийн чавдараа удаан хугацаанд алдах магадлалтай. Ам бүл 6 нөхөр 4 хүүхдийн хамт амьдардаг. Японы иргэдийн нэгэн адил монгол ахан дүүс та бүхнийгээ энэ гэр бүлд сэтгэлийн дэм үзүүлэхийг уриалж байна Дансны дугаар 5721346579

Осол гэмтлийг бууруулахад иргэн таны оролцоо

Зөвлөгөөг харах

Чанарын албыг шинэчлэн байгуулах тухай

Дэлгэрэнгүй харах

Зуунмодны цасны баяр болж өнгөрлөө.

2012 оны 01 сарын 19нд Овооны энгэрт Зуунмодны цасны баяр амжилттай болж өнгөрлөө. Цасны баярт Нэгдсэн эмнэлгийн албан хаагчид өргөн бүрэлдэхүүнтэй оролцлоо.

Нэгдсэн эмнэлгийн 2012 оны шилдэгүүд тодорлоо

Төв аймгийн Нэгдсэн эмнэлгийн хамт олон шинэ оны босгон дээр ажил мэргэжлээрээ бусдыгаа манлайлсан оны шилдэгүүдээ тодрууллаа. Оны шилдэг зөвлөх эмчээр хүүхдийн тасгийн зөвлөх эмч Ч.Чимэддаваа, оны шилдэг тасгийн эрхлэгчээр мэс заслын тасгийн эрхлэгч Б.Өлзийн-Орших, оны шилдэг их эмчээр амбулатори тасгийн шүдний их эмч Г.Алтанзул, оны шилдэг тусгай мэргэжилтнээр лаборатори тасгийн лаборант А.Саранчимэг, оны шилдэг сувилагчаар төрөх тасгийн сувилагч Б.Эрдэнэчимэг, оны шилдэг ахлах сувилагчаар хүүхдийн тасгийн ахлах сувилагч Л.Мияасүрэн, оны шилдэг ажилтанаар ЗАА тасгийн инженер Ю.Оюунчимэг, оны шилдэг үйлчлэгчээр Ж.Буяндэлгэр, оны шилдэг залуу эмнэлгийн мэргэжилтнээр мэс заслын тасгийн их эмч Г.Гантулга, оны шилдэг албаар Д.Алтанцэцэг даргатай Сувилгаа үйлчилгээний алба, оны шилдэг тасгаар Д.Нансалмаа эрхлэгчтэй Сэхээн эрчимт эмчилгээ-103 тасаг, оны ёс зүйтэй эмчээр мэс заслийн тасгийн их эмч Н.Биханзрагчаа, оны ёс зүйтэй сувилагчаар статистикч бага эмч С.Соёлмаа, оны ёс зүйтэй ажилтнаар нягтлан Б.Батболд нар тус тус шалгарлаа.

Эрүүл мэндийн сайд өвөлжилтийн байдалтай танилцлаа.

Эрүүл мэндийн сайд Н.Удвал өвөлжилтийн байдал хүндэрсэн орон нутгийн эмнэлгүүдийн үйлчилгээний асуудлаар эрүүл мэндийн байгууллагын удирдлагуудтай 2013 оны 01 сарын 02нд шуурхай видео хурал хийв. Хуралд Эрүүл мэндийн сайд Н.Удвал, Төрийн нарийн бичгийн дарга Ж.Хатанбаатар, ЭМЯ-ны холбогдох мэргэжилтнүүд болон телемедицин суурилуулсан аймгуудын /Архангай, Говь-Алтай, Дорнод, Дундговь, Орхон, Өвөрхангай, Сүхбаатар, Ховд, Төв / Эрүүл мэндийн газрын удирдлагууд оролцлоо.

Төв аймгийн Нэгдсэн эмнэлгийн архив албан хэрэг хөтлөлтийн ажилтан Ц.Оюунчимэг ажил мэргэжлээрээ аймагтаа 2-р байр эзэлсэн өндөр амжилтаар шинэ оноо угтаж байна.

Төв аймгийн Нэгдсэн эмнэлгийн архив албан хэрэг хөтлөлтийн ажилтан Ц.Оюунчимэг орчин үеийн архивын байгууллага байгуулагдсаны 85 жил, архив албан хэрэг хөтлөлтийн ажилтны өдрийг тохиолдуулан МУ-ын ЗГ-ын 64-р тогтоолоор батлагдсан ажлын хүрээнд 2012 оны ажил мэргэжлээрээ аймагтаа 2-р байр эзэлсэн өндөр амжилтаар шинэ оноо угтаж байна.

"Бидний мэргэжил бидний бахархал" аянаар Уламжлалтын тасаг

АНЭ-с зохиож буй "Бидний мэргэжил бидний бахархал" аяны хүрээнд 10-р сард УСЗЭТ-аас зохион явуулж буй ажлууд: 1-р долоо хоногт: Нийт эмч, сувилагч, эмнэлэгийн тусгай мэргэжилтнүүдэд УСЗ эмчилгээний аргуудыг сурталчилж түгээмэл хэрэглэгдэх "Соруул засал" эмчилгээний талаар сургалт зохион байгуулан гарын авлага тараалаа.

Онцгой байдлын газар, Аймгийн ЭМГ, Аймгийн Нэгдсэн эмнэлгийн хамтран зохион байгуулсан гамшгаас хамгаалах дадлага сургалт амжилттай болж өнгөрлөө.

Онцгой байдлын газар, Аймгийн ЭМГ, Аймгийн Нэгдсэн эмнэлгийн хамтран зохион байгуулсан гамшгаас хамгаалах дадлага сургалт амжилттай болж өнгөрлөө. Онцгой байдлын газраас зохион байгуулсан даллага сургалтанд ЭМГ болон Нэгдсэн эмнэлгийн мэргэжлийн багууд хийгдэхээр удирдамж ирүүлсний дагуу 2012 оны 10 дугаар сарын 26-ны өдрийн 11 цаг 11 минутанд дохио дугарсаны дараа Нэгдсэн эмнэлгийн Б байрны урд зогсоолоос үйл ажиллагаа эхэлсэн. Эрүүл мэндийн газраас удирдлагын штабын 20, Нэгдсэн эмнэлгийн мэргэжлийн ангийн 46 бие бүрэлдэхүүн оролцлоо. Үүний дараа дадлага сургалт Халдвартын тасагт гал гарч угаартсан хүмүүсийг аврах үйл ажиллагаа боллоо. 101 103 дуудлага өгч ОБГ-ын аврах анги ирж угаартсан хүмүүсийг аврах үйл ажиллагаа явагдаж түүнд анхны тусламжийг Нэгдсэн эмнэлгийн бие бүрэлдэхүүн амжилттай үзүүлсэн юм. Мөн ОБГ-аас тодорхой цэгт ил гал тавьж түүнийг Нэгдсэн эмнэлгийн аврах бүлгийн 2 гишүүн унтраах үйл ажиллагаа явууллаа.Эцэст нь ЭМГ-ын сургалтын танхимд багийн ахлагч нар сургалтанд хамрагдсанаар үйл ажиллагаа өндөрлөсөн юм.

Аймгийн Засаг Даргын А/188 тоот захирамжийн дагуу ажлын байранд эмч солилцон ажиллалаа.

Төв аймгийн Нэгдсэн эмнэлгийн эх барих эмэгтэйчүүд, хүүхдийн эмч, сумын эмч, эх баригч нарын ажлын байранд эмч солилцон ажиллах ажил жилийн турш амжилттай зохион байгуулагдан ажлаа тайлагналаа. Уг ажлыг АЗД-ын А/188 тоот захирамжийн дагуу Мөнгөнморьт, Батсүмбэр, Баян-Өнжүүл, Баянцогт, Жаргалант, Өндөрширээт, Эрдэнэ, Эрдэнэсант, Баянцагаан, Лүн сумдад Аймгийн Нэгдэн эмнэлгийн эх барих эмэгтэйчүүд, хүүхдийн эмч нар амжилттай зохион байгууллаа.

Сумдад бүсчилсэн зөвлөгөөн амжилттай зохион байгуулагдлаа.

Нийгмийн салбарын чанар хүртээмжийг сайжруулах урианы жилд эх нялхас болон 1-5 хүртэлх насны хүүхдийн эндэгдэл, хүндрэлийг хэлэлцэж бууруулах, өвчлөлөөс урьдчилан сэргийлэх, эмчилгээ үйлчилгээний чанар хүртээмжийг сайжруулах зорилгоор 26 сумыг 4 бүс болгон хувааж Жаргалант, Эрдэнэ, Баян-Өнжүүл, Лүн сумуудад ЭМГ, сумын ЗДТГ, Нэгдсэн эмнэлгийн зөвлөх эмч нарын бүрэлдэхүүнтэй бүсчилсэн зөвлөгөөнийг амжилттай зохион байгуулж дууслаа.

ЭТҮЧанарын албаны III улирлын дотоод хяналтын чиглэл

2012.10.01

№	Хяналт хийх чиглэл	Хугацаа	Хариуцах эзэн
1	Хөдөлмөрийн аюулгүй байдал эрүүл ахуйн  тухай хуулийн хэрэгжилт	10-р сард	Эмнэлгийн тусламж үйлчилгээний аюулгүй байдал хариуцсан мэргэжилтэн, халдвар судлагч эмч Б.Батхуяг
2	ЭМС-ын 34-р тушаал	11-р сард	СМТАлба
3	АНЭ-ийн бүтэц, үйл ажиллагааны стандартын хэрэгжилт	12-р сард	Чанарын алба

“Эрүүл мэндийн тусламж үйлчилгээний чанар, аюулгүй байдал” сэдэвт Улсын зөвлөлгөөн боллоо.

2012 оны 10-р сарын 02-03-ний өдрүүдэд Эрүүл мэндийн тусламж, үйлчилгээний чанарын жилийн хүрээнд өнөөдөр “Эрүүл мэндийн тусламж, үйлчилгээний чанар, аюулгүй байдал” сэдэвт Улсын зөвлөлгөөн боллоо.

Уг зөвлөлгөөнөөр эрүүл мэндийн тусламж, үйлчилгээний чанарт тулгамдаж буй асуудлууд, шийдвэрлэх арга зам, цаашид хэрэгжүүлэх арга аргачлалыг хэлэлцэж, харилцан туршлага солилцон, чанар, аюулгүй байдал, эрсдэл, дэмжлэгт удирдлага болон хяналтын талаарх шинэ мэдээллийг өгөв.

       Уг зөвлөлгөөнд ЭМЯ-ны удирдлагууд, Олон улсын байгууллагын төлөөлөгчид, аймаг, нийслэлийн эрүүл мэндийн газрын дарга, төрөлжсөн төв, төв эмнэлэг, амаржих газар, нэгдсэн эмнэлгийн дарга, захирал, чанарын албадын дарга нар оролцож байна. Манай аймгаас ЭМГ-ын дарга Л.Алтанцэцэг, НЭ-ийн ЭТҮЧАлбаны дарга Н.Ганцэцэг нар оролцлоо.

Чанарын менежерүүдийн уулзалтанд оролцлоо.

         Эх Хүүхдийн Эрүүл Мэндийн Үндэсний Төвд 2012 оны 9 дүгээр сарын 28-ний өдөр "Бага насны хүүхдийн амьсгал, зүрхний сэхээн амьдруулалтын тусламжийг сайжруулъя" сэдэвт чанарын менежерүүдийн туршлага солилцох уулзалт боллоо.

         Уг арга хэмжээнд аймгийн Нэгдсэн эмнэлгийн Чанарын менежер Д.Дашмаа, лавлагаа мэдээллийн ажилтан Д.Батнасан, хүүхдийн эмч Ц.Тунгалаг, Ш.Бумдарь нар оролцлоо.

Бидний мэргэжил-Бидний бахархал аяны хүрээнд

Бидний мэргэжил-Бидний бахархал аяны хүрээнд мэдрэлийн тасгаас санаачланСувилахуйн албатай хамтран “ГАРДАН ҮЙЛДЛЭЭР-МЭРГЭШСЭН СУВИЛАГЧ “ ТҮСтандартаар ажил мэргэжлийн уралдаан зохион байгуулж, удирдамжийн дагуу 2012оны 09-р сарын 11-ны 14 цаг 30 минутанд  Нэгдсэн эмнэлгийн Сувилахуйн албаны өрөөнд эхлэж 17 цаг 30 минутын хооронд явагдлаа.Үүнд:

1. Уламжлалт тасгийн сувилагч Даваажавын-Манлайбаяр

2. Хүүхдийн тасгийн сувилагч  Баттогтохын-Цэцэгжаргал

3. Дотрын тасгийн сувилагч   Шинэдэлгэрийн-Оюунчимэг

4. Мэс заслын тасгийн сувилагч  Цэдэнсодномын-Ариунбаяр

5. Төрөх тасгийн сувилагч  Баянмөнхийн-Эрдэнэтуяа

6. Сүрьеэгийн тасгийн сувилагч  Жуулайгын-Сайнбилэг

7. СЭЭ-ХАЯТ-ын тасгийн сувилагч  Жаргалын Ганцэцэг

8. Лабораторийн тасгийн  лаборант Өлзийгийн- Мандалмаа  нар тасгуудаасаа  шалгаран  амжилттай оролцлоо.

 

ГАРДАН ҮЙЛДЛЭЭР-МЭРГЭШСЭН СУВИЛАГЧ”-аар Дотрын тасгийн сувилагч  Шинэдэлгэрийн-Оюунчимэг,тусгай байранд  Мэс заслын тасгийн сувилагч Цэдэнсодномын Ариунбаяр нар тус тус шалгарч бусдыгаа манлайллаа.

“Багш -шавийн эрдэмийн уулзалт 2012”

“Багш -шавийн эрдэмийн уулзалт  2012” сургалт 2012.09.13-2012.09.14-ны өдрүүдэд  АНЭ-ийн эмч, сувилагч, тусгай мэргэжилтэнүүд амжилттай зохион байгуулдагдлаа.

•   “Эмч, эмнэлгийн мэргэжилтэний харилцаа хандлага, ёс зүйн асуудал “-  сэдвээр НЭМС-ийн  Нийгэм хүмүүнлэгийн ухааны тэнхимийн багш, ФУ-ны доктор, профессор  Х.Дамдинжав 
•  “Эрүүл мэндийн удирдлагын менежмент”- сэдвээр НЭМС-ийн эдийн засаг менежментийн  багш, АУ-ны доктор Л.Ундрам 
•  “Багаар ажиллах урлагт суралцахуй, хамт олны санааг нэгтгэх, шийдвэр гаргах” 
•  “Зан үйлийн өөрчлөх арга зүйд суралцах” 
•  “Төрөлжсөн сувилахуйд сувилгааны үйл ажиллагааны таван шатлалыг хэрэглэх нь “ 
•  “Эрүүл мэндийг дэмжихэд сувилагчийн оролцоо зэрэг сэдвүүдээр”   ЭМТС-ийн  Сувилахуйн тэнхимийн багш, СУ-ны магистр Л.Хишигдэлгэр нар хичээл зааж ярилцлага зохион байгууллаа.  106 –н Эмнэлгийн сувилагч, тусгай мэргэжилтэнүүд  оролцлоо.

Сувилахуйн алба

Ҫ ÀÉÌÃÈÉÍ ÍÝÃÄÑÝÍ ÝÌÍÝËÃÈÉÍ ÒÓÑËÀÌÆ ¯ÉË×ÈËÃÝÝÍÈÉ ×ÀÍÀÐÛÍ ÀËÁÀÍÛ ÌÝÄÝÝËÝË

Чанарын албанаас 2012 оны 09 дугаар сард эмчлүүлэгчсдээс авсан сэтгэл ханамжийн судалгаагаар үйлчлүүлэгсдийн сэтгэл ханамж 97%-тай.

Тусламж үйлчилгээний хүндрэл бэрхшээл  23, тусламж үйлчилгээ цаг хугацаанд үзүүлсэн байдал, эмчилгээ үйлчилгээний чанар-0.1%, эмчилгээний хоолны чанар 0,3% дээшилсэн, өрөө тасалгааны тав тухтай байдал 0.3%-буурсан, цэвэрлэгээ үйлчилгээ 0.2%-р буурсан үзүүлэлттэй, талархал-155, санал хүсэлт 23, гомдол-2.

Өмнөх сартай харьцуулбал:

• Сэтгэл ханамж өмнөх сараас 9 хувь дээшилсэн.
• Тусламж үйлчилгээний хүндрэл бэрхшээл 8-р  өссөн
• Нэр заагдсан гомдол-2 болж 1-р өссөн
• Талархал 24-р өссөн
• Ажил сайжруулах санал-23 ирсэн. 
• Эм тарианы тасалдал 10 хүнд 6 нэр төрлөөр тохиолдож 4-р нэмэгдсэн. 
• Эмчилгээ тусламж үйлчилгээний чанар 0.1-0.2 хувиар дээшилсэн боловч цэвэрлэгээ, үйлчилгээний чанар өрөө тасалгааны тав тухтай байдал 0.2-0.3 хувиар тус тус буурсан байна.
• Эм тариа тасарсан шалтгаан нь энэ сарын  17-21-нд санхүүжилт байхгүйн улмаас эм тариа татаж чадаагүйгээс үүссэн  байна. 

Мэдээлэл бичсэн: Чанарын  лавлагаа мэдээллийн ажилтан Д.Батнасан