Хамтран ажиллах харилцан ойлголцлын санамж бичигт гарын үсэг зурав

2011 оны 10-р сарын 03, Даваа гариг, 15:39

АХБ-ны дэмжлэгээр хэрэгжиж байгаа ЭМСХХ-3 төслийн хүрээнд Засгийн газрын хэрэгжүүлэгч агентлаг-Эрүүл мэндийн газарт “Мэдээллийн технологийн хөгжлийг Эрүүл мэндийн тусламж үйлчилгээний чанар, хүртээмж, төгсөлтийн дараах сургалтын тогтолцоог сайжруулахад ашиглах нь”, болон “Эрүүл мэндийн эдийн засгийн нэгж байгуулах замаар эрүүл мэндийн үндэсний тооцоо хийх чадавхийг бэхжүүлэх” гэсэн 2 дэд төсөл хэрэгжүүлэхээр 2011 оны 10-р сарын 3нд ЭМЯ дээр Хамтран ажиллах харилцан ойлголцлын санамж бичигт гарын үсэг зурах ёслол болов.

Facebook хуудастай боллоо

Манай эмнэлэг Facebook сайт дээр өөрийн гэсэн хуудастай боллоо. Та бүхэн манай facebook page-тэй энд дарж танилцана уу.

ЭТКорпусын СДМэргэжилтэн аймгийн НЭ-т хоёр жил ажиллахаар боллоо.

МОНГОЛ УЛСЫН ТӨРИЙН АЛБАН ХААГЧИЙН ЭРХЭМЛЭХ ЕСӨН ЗҮЙЛ

Төрийн албаны Үндэсний анхдугаар чуулганаар батлав.

НЭГ. МЭДЛЭГИЙГ ЭРХЭМЛЭНЭ Хариуцсан ажил үүргээ гүйцэтгэхэд хангалттай мэдлэгтэй байж, түүнийгээ цаг үеийн эрэлт шаардлагад нийцүүлэн байнга хөгжүүлж, мэргэжлийн мэдлэг, ажил хэргийн нэгдлийг нягт хангаж ажиллана.
ХОЁР. ЧАДВАРЫГ ЭРХЭМЛЭНЭ Албан тушаалын чиг үүргээ хэрэгжүүлэхэд зохистой арга барил, ур чадвар, орчин үеийн мэдээллийн технологийн ололтыг чадамгай эзэмшиж, ажил үүргээ чадварлаг, үр бүтээлтэй гүйцэтгэнэ.
ГУРАВ. ХУУЛЬ ЁСЫГ ЭРХЭМЛЭНЭ Үндсэн хууль, бусад хуулийг үйл ажиллагаандаа дээдлэн сахиж, төрийг үйлчилгээг зөвхөн тэдгээрт нийцүүлэн хараат бус, бие даасан байдлаар хүргэж хэвшинэ.
ДӨРӨВ. ЁС ЗҮЙГ ЭРХЭМЛЭНЭ Төрийн албан хаагчийн ёс зүйн дүрмийг хүлээн зөвшөөрсний үндсэн дээр төрийн албаны соёл, ёс зүйн үнэт зүйл, зарчим, хэм хэмжээ, шаардлагуудыг сахин биелүүлж, ёс зүйн аливаа зөрчилгүйгээр ажиллана.
ТАВ. ШУДАРГА ЁСЫГ ЭРХЭМЛЭНЭ Албаны үйл ажиллагаа явуулах, үйлчилгээ үзүүлэх, шийдвэр гаргахдаа аливаа хэлбэрээр ялгаварлахгүй, тал тохой татахгүй, ямарваа хөндлөнгийн нөлөөлөлд орохгүй, ашиг сонирхлын зөрчилд автахгүйгээр зөвхөн нийтийн ашиг сонирхолд нийцүүлж, чин шударгаар ажиллана.
ЗУРГАА. СОЁЛТОЙ ХАРИЛЦААГ ЭРХЭМЛЭНЭ Иргэдэд байнга хүндэтгэлтэй хандаж, тэдний итгэлийг олох хэмжээнд харилцааны соёлыг эзэмшин, үйл ажиллагаа, үйлчилгээгээ эелдэг, уриалгахан, ил тод байлгаж, олон нийтийн санаа бодлыгбайнга авч, тэдний эрэлт хэрэгцээнд ницүүлж ажиллана.
ДОЛОО. ҮНЭНЧ БАЙДЛЫГ ЭРХЭМЛЭНЭ Төрийн албандаа ямагт чин сэтгэлээс өөриймсөг хандаж, албан үүргээ аль болох үр бүтээлтэй, илүү чанартай гүйцэтгэх талаар санаачилга, идэвх зүтгэл гарган, иргэдэд төрийн үйлчилгээг бүрэн дүүрэн үзүүлэх талаар боломжтой бүх нөөц бололцоог дүүрэн ашиглаж ажиллана.
НАЙМ. ШУУРХАЙ БАЙДЛЫГ ЭРХЭМЛЭНЭ Албаны үйл ажиллагааг явуулахдаа бусдад элдэв чирэгдэл учруулахгүй байж, ялангуяа иргэдийн өргөдөл, гомдол, санал хүсэлтэд нэн анхааралтай хандаж, боломжит хамгийн бага хугацаанд шийдвэрлэн хариу өгөх хэмжээнд ажлаа зохион байгуулна.
ЕС. ХАРИУЦЛАГА, ИЛ ТОД БАЙДЛЫГ ЭРХЭМЛЭНЭ Албан ажил хэргийг явуулахдаа өөрөөсөө зайлуулах, хариуцлагаас зайлсхийх зэргээр амиа аргацаах зохисгүй байдал гаргахгүй байж, хууль тогтоомжийн хүрээнд мэдээллийн ил тод, нээлттэй байх зарчмыг баримтлан, ажилдаа эзэн болж, шийдэмгий зоримог ажиллан, түүнийхээ гүйцэтгэлийн үр дүнг биечлэн хариуцна.
“Төрийн албаны шинэтгэл: сорилт, боломж” Үндэсний чуулганд оролцогчид 2011 оны зургаадугаар сарын 23-ны өдөр

Авралын арми

Хамт олноороо цэвэр агаарт цэнгэн баяраа тэмдэглэлээ.

БНСУлсын Гангвон мужийн Чүнчон хотын Халлимын их сургуулийн багш оюутнууд аймгийн Нэгдсэн эмнэлэгт

БНСУлсын Гангвон /манай аймгийн харилцаат/ мужийн Чүнчон хотын Халлимын их сургуулийн багш оюутнууд аймгийн Нэгдсэн эмнэлэгт 08 дугаар сарын 04, 05, 06-ны өдрүүдэд ажиллаж, сонсголын бэрхшээлтэй иргэдэд үзлэг, оношлогоо хийж, эмч мэргэжилтнүүдтэй хамтран ажиллаа.

Монголд анх удаа робот хагалгаа хийнэ

Манай улсын эрүүл мэндийн салбарын түүхэнд анх удаагаа робот хагалгаа хийхээр боллоо. Робот хагалгаа гэдэг нь хүний нүднээс 18 дахин хурц нарийн хардаг хамгийн сүүлийн үеийн өндөр дэвшилтэт тоног төхөөрөмжийн тусламжтайгаар эмчийн гар оролцохгүйгээр алсын зайнаас хагалгаа хийхийг хэлдэг аж.

Хөдөлмөрийн аюулгүй байдал, эрүүл ахуйн чиглэлээр сургалт зохион байгуулсан тухай

Төв аймгийн Нэгдсэн эмнэлгийн сувилагч, тусгай мэргэжилтэн, ажилчдад Улаанбаатар хотын "Лемур" сургалтын төвийн зөвлөх багш Ж.Саран "Хөдөлмөрийн аюулгүй байдал, эрүүл ахуй"-н чиглэлээр 24 цагийн сургалтыг тус эмнэлгийн Үйлдвэрчний хороо, Хөдөлмөрийн аюулгүй байдал, эрүүл ахуйн хариуцсан мэргэжилтэн нар хамтран 2011.06.24 - 2011.07.29 ны өдрүүдэд зохион байгууллаа.

Германы хил хязгааргүй эмч нарын нийгэмлэгээс тусламж үзүүллээ

2011 оны 7 сарын 21нд Германы "Хил хязгааргүй эмч нарын нийгэмлэг"-ээс багаж тоног төхөөрөмж хандивлалаа.

Солонгос эмч нар үнэ төлбөргүй үзлэг шинжилгээ хийж байна

"Эх нутгийн иргэд" ТББ-ын урилгаар БНСУ-ын Кёнхи Их сургуулийн мэргэжлийн эмч нарын баг 2011 оны 7 сарын 21,22,23-ны өдрүүдэд Төв аймгийн Зуунмод хотноо ажиллаж, иргэд хөдөлмөрчид та бүхэнд үнэ төлбөргүй үзлэг оношлогоо хийх тул өргөнөөр хамрагдана уу. Үзлэг Төв аймгийн Нэгдсэн эмнэлгийн Амбулаторит явагдана.
7 сарын 21нд 16.30-19.00
7 сарын 22, 23нд 09.00-19.00 цагуудад үзлэг хийнэ. Үзлэгт хамрагдах хүмүүс үзлэгийн өрөөнүүдээс дугаараа урьдчилж авна.

Япон улсын Тоттори мужийн хамтын ажиллагаа

Манай аймаг Япон улсын Тоттори мужтай 1997 оноос эхлэн хамтран ажиллаж байгаа бөгөөд ирэх жил хамтын ажиллагааны 15 жилийн ой болох юм.
Энэхүү хамтын ажиллагааны хүрээнд Нэгдсэн эмнэлгийн зүрх судасны их эмч Б.Дэлгэрцогт, мэдрэлийн зөвлөх, их эмч Бямбажав нар тус бүр 10 сар, төрөх тасгийн эрхлэгч, эх барих эмэгтэйчүүдийн их эмч С.Төгсбаяр 1 сарын хугацааагаар Тоттори мужийн эмнэлгүүдэд дадлагажигч эмчээр ажиллаж, суралцаад ирсэн билээ.
Цаашид энэ хамтын ажиллагаа нь улам өргөжиж, 2011 онд Тоттори мужийн Төв эмнэлэгт 1 их эмч, 1 эх баригч бага эмчийн хамт дадлагажигчаар авч ажилуулахаар боллоо.

Жайка байгууллагын Өвсний үндэс техникийн хамтын ажиллагаа

Жайка байгууллагын Өвсний үндэс техникийн хамтын ажиллагааны хүрээнд “Монгол улсын Төв аймгийн жирэмсэн эхчүүдийн эрүүл мэндийн хяналтыг сайжруулах төсөл – Жирэмсэн эхчүүдийн цусны даралт ихсэх эмгэгээс урьдчилан сэргийлэх, эрт илрүүлэх, эмчилгээний технологийг шилжүүлэх” ажлыг хэрэгжүүлж, эмч мэргэжилтэн томилон ажиллуулах, дадлагажигч хүлээн авах ажлуудыг зохион байгуулж байна. Энэ үйл ажиллагааг 2010 оноос эхлэн 3 жилийн хугацаанд хэрэгжүүлэх бөгөөд энэ жил 2 дахь жилдээ явуулж байна.

Өөрөө өөрийгөө эрүүлжүүлэх дасгалууд

Хэвлийн хөндийн эрхтнүүдийн дасгал
Алгаа бүлээцүүлээд зүүн гараараа хэвлийгээ 100 удаа цагийн зүүний дагуу илнэ. Дараа нь баруун гараараа 100 удаа эсрэг хөдөлгөөн хийнэ. Хоол тэжээлийн шимэгдэлт сайжирч, гэдэсний гүрвэлзэх хөдөлгөөн, хэвлийн эрхтнүүдийн цусан хангамжийг сайжруулна.

Өвдөгний дасгал
2 өвдгөө тойруулж 100 удаа цагийн зүүний дагуу илнэ. Мэдрэлийн системийг тайвшруулж, өвдөлт намдааж, хаванг арилгана.

Тавхайд хийх иллэг
Баруун гарын алгаар зүүн хөлийн улыг 100 удаа илнэ. Зүүн гарын алгаар баруун хөлийн улыг 100 удаа илнэ. Хөл тавхайн ядаргааг арилгаж, нойр сайжруулна.

Сэтгэл ханамжийн судалгааны мөрөөр

Нэгдсэн эмнэлгийн Чанарын албанаас 5 дугаар сард авсан сэтгэл ханамжийн судалгаагаар үйлчлүүлэгсдийн сэтгэл ханамж 91%, тусламж үйлчилгээний хүндрэл бэрхшээл 10, эм тарианы тасалдал 11 үйлчлүүлэгчид 14 нэр төрөл гарсан. Талархал 44 хүнд 107, санал хүсэлт 6 төрлийн 14 гарсан.

Хавдрын аян-2011

Дэлхий дахинд жил бүр 12 сая хүн хорт хавдраар шинээр оношлогдож, үүний 7.6 сая хүн нь нас барж байна гэсэн тоо баримт байдаг. Манай улсад жилд дунджаар 4200 орчим хорт хавдрын шинэ өвчлөл бүртгэгдэж, 3000 гаруй хүнээс таван хүний нэг нь хорт хавдрын улмаас нас барж, нийт хүн амын нас баралтын хоёрдугаар шалтгаан болж байна. Шинээр оношлогдсон хорт хавдрын 75 хувь нь 3,4-р үедээ буюу төгс эмчилгээ хийх боломжгүй үе шатандаа эмнэлэгт ханддаг аж. Шинжлэх ухаан хөгжсөн одоо цагт хорт хавдрыг эрт үед нь оношлуулбал бүрэн эдгэрэх боломжтой болжээ.

Хүрэл медалийн эзэд боллоо.

Цагдаагийн алба үүсэн байгуулагдсаны 90 жилийн ойг тохиолдуулан Төв аймгийн Цагдаагийн газраас зохион байгуулсан Гар бөмбөгийн тэмцээнд манай хамт олон амжилттай оролцож хүрэл медалийн эзэд боллоо. Тэмцээнд 10 гаруй байгууллагын 70 орчим тамирчин оролцсон юм.

Diagonal Office

Үндсэн танилцуулга

Дэлхийн програм хангамжийн зах зээл аажмаар интернет технологи руу шилжиж интернетийн сүлжээгүй компьютер, сүлжээнд холбогдож ажилладаггүй програмууд зах зээлээс шахагдаж байгаа энэ үед “Web based application” буюу вэбэд суурилсан хэрэглээний програм хангамжуудыг хөгжүүлэх чиглэл нь хамгийн ирээдүйтэй салбаруудын нэг болсон билээ.